“ಸಾಧನೆಯ ರಥ ಸೃಷ್ಟಿಸಿಯೇ ಬಿಟ್ಟಿತು ಸಂಚಲನದ ಪಥ”

“ಶಕ್ತನಾದರೆ ನೆಂಟರೆಲ್ಲ ಹಿತರು ಅಶಕ್ತನಾದರೆ ಆಪ್ತ ಜನರೇ ವೈರಿಗಳು” – ಪುರಂದರದಾಸರ ಈ ಅಮೃತವಾಣಿಯಂತೆ ನಮ್ಮಲ್ಲಿರುವ ಅಸಾಧಾರಣ ಪ್ರತಿಭೆಯು ದೈವದತ್ತ ಕೊಡುಗೆ. ಇದನ್ನು ಓರೆಗಚ್ಚಿದಾಗ ಮಾತ್ರ ಶ್ರೀಗಂಧದ ಕೊರಡನ್ನು ಕಲ್ಲಿನ ಮೇಲೆ ತೇದಾಗ ಬರುವ ಸುಗಂಧದಂತೆ ಆ ಪರಿಸರದಲ್ಲಿರುವ ಸಕಲ ಜೀವರಾಶಿಗಳ ಜ್ಞಾನೇಂದ್ರಿಯವನ್ನು ಪ್ರಚೋದಿಸುವಂತಾಗುತ್ತದೆ. ಮಕ್ಕಳಿಗೆ ಬಾಲ್ಯದಲ್ಲಿ ಸೂಕ್ತ ಮಾರ್ಗದರ್ಶನವನ್ನು ನೀಡಿದಾಗ, ಅಸಾಧ್ಯವಾದದ್ದನ್ನು ಸಾಧ್ಯವಾಗಿಸುತ್ತಾರೆ. ಮಗುವಿನ ಕಲಿಕೆಗೆ ಮನೆ, ಶಾಲೆ, ಸ್ನೇಹಬಳಗ ಹಾಗೂ ತನ್ನ ಸುತ್ತಲ ಪರಿಸರವು ತುಂಬಾ ಸಹಕರಿಸುತ್ತಿರುತ್ತವೆ. ಆದರೆ ತಾನು ಏನನ್ನು ಕಲಿಯುತ್ತಿರುತ್ತೇನೆ ಎಂಬ ಅರಿವಿನ ಕೊರತೆ ಮಗುವಿಗೆ ಇರುತ್ತದೆ ಹಾಗೆ ಅದರ ಉಪಯೋಗಗಳ ಜ್ಞಾನವಂತೂ ಶೂನ್ಯಮಯ! ಇತ್ತೀಚೆಗೆ ಮಾಧ್ಯಮಗಳ ಪ್ರಭಾವವಂತೂ ಮಕ್ಕಳ ಮನಸ್ಸಿನ ಮೇಲೆ ವ್ಯತಿರಿಕ್ತ ಪರಿಣಾಮವನ್ನು ಬೀರುತ್ತಿರುತ್ತವೆ. ಇಂತಹ ಸನ್ನಿವೇಶಗಳಲ್ಲಂತೂ ಶಿಕ್ಷಣ ತಜ್ಞರು ಮಕ್ಕಳ ಸರ್ವತೋಮುಖ ವಿಕಾಸಕ್ಕೆ ಸೂಕ್ತ ಭೂಮಿಕೆಯನ್ನು ಸಜ್ಜುಗೊಳಿಸಬೇಕಾದ ಅನಿವಾರ್ಯತೆಯಿದೆ. ಮಕ್ಕಳ ಅಸಾಧಾರಣ ಪ್ರತಿಭೆಗಳನ್ನು ಪ್ರದರ್ಶಿಸಲು ರಂಗಸಜ್ಜಿಕೆಯನ್ನು ಏರ್ಪಡಿಸುವ ಧುರೀಣರ ಅವಶ್ಯಕತೆಯಂತೂ ನಭೋಮಂಡಲಕ್ಕೆ ಚಂದ್ರಾರ್ಕರಂತೆ ಪ್ರಜ್ಞಾವಂತ, ಕರ್ತವ್ಯನಿಷ್ಠ, ಸುಖ-ದುಃಖಗಳನ್ನು ಸಮಸ್ಥಿತಿಯಲ್ಲಿ ಕಾಣುವ ಸ್ಥಿತಪ್ರಜ್ಞರು ಇಂದಿನ ಪ್ರಪಂಚಕ್ಕೆ ತೀರಾ ಅನಿವಾರ್ಯ. ಈ ಅನಿವಾರ್ಯತೆಯಲ್ಲಿ ಅಳಿಲು ಸೇವೆಯನ್ನು ಮಾಡಲು ಹೊರಟಿರುವ 21ನೇ ಶತಮಾನದ ಭಾರತೀಯ ಶಾಲೆಯಾಗಿ ಪೂರ್ಣ ಚೇತನ ಪಬ್ಲಿಕ್ ಶಾಲೆಯು ಹೊರಹೊಮ್ಮುತ್ತಿರುವುದು ಧ್ರುವತಾರೆಯಂತಿದೆ. ಇಲ್ಲಿ ಮಕ್ಕಳ ಕಲಿಕೆಯು ಮುಕ್ತ ಹಾಗೂ ಸರ್ವಸ್ವತಂತ್ರ ಋಷ್ಯಾಶ್ರಮದ ಅನುಭವವಂತೂ ಪಂಚೇಂದ್ರಿಯ ಕೋಶಗಳನ್ನು ಮಂತ್ರ ಮುಗ್ಧರನ್ನಾಗಿಸುತ್ತಿರುವುದು ಬಲುಸೋಜಿಗ. ತಂತ್ರಜ್ಞಾನವನ್ನು ಎಳೆಯ ವಯಸ್ಸಿನಲ್ಲಿ ನಮ್ಮ ಶಾಲಾ ಮಕ್ಕಳು ಎಳೆಎಳೆಯಾಗಿ ಬಿಡಿಸಿ ಭಾರತದ ಹಳ್ಳಿಗಳಲ್ಲಿನ ಮೂಲಭೂತ ಸಮಸ್ಯೆಗಳಿಗೆ ಸೆಡ್ಡು ಹೊಡೆಯುತ್ತ, ನಗರದ ಸೌಲಭ್ಯಗಳನ್ನು ಹಳ್ಳಿಗರಿಗೆ ಕೈಗೆಟಕುವಂತೆ ಮಾಡಿದಂತ ಪರಿ ಅಗಣಿತ, ಅದ್ಭುತ, ಅಪ್ರಮೇಯ! ಅಭಿಯಂತರರ ಜಾಗತಿಕ ಜಾಗರಣೆ ಜಗತ್ತಿಗೆ ಮುಂಗಾಕಾಣ್ಕೆಯಾಯಿತು. ಅಂದು ಬ್ರಿಟಿಷರು ತಮ್ಮ ದಬ್ಬಾಳಿಕೆಯುಕ್ತ ದೌರ್ಜನ್ಯದಿಂದ ಸೂರ್ಯ ಮುಳುಗದ ನಾಡಾಗಿಸಿಕೊಂಡಿದ್ದರು. ಇಂದು ಪೂರ್ಣ ಚೇತನ ಸಪರಿವಾರ ಕುಟುಂಬದ ಭೌತಿಕ, ಬೌದ್ಧಿಕ, ರಾಚನಿಕ ನವರಸಗಳ ಪಾರಮ್ಯದ ಸದ್ಬಳಕೆಯಿಂದ ಜಾಗತಿಕ ಮಟ್ಟದಲ್ಲಿ ಸೂರ್ಯ ಮುಳುಗದ ನಾಡಾಗಿ ಭಾರತ ಮಾತೆಯು ರಾರಾಜಿಸುವಂತಾಗಿ ಇತಿಹಾಸವನ್ನು ಸೃಷ್ಟಿಸುತ್ತಿದೆ ಎಂಬ ಮಾತು ಪ್ರತಿಯೊಬ್ಬ ಭಾರತೀಯನು ಎದೆಯುಬ್ಬಿಸಿ ಹೇಳುವಂತಾಗಿದೆ.